«Ўзекспомарказ» мажмуасида ташкил этилган кўргазмали семинарнинг учинчи кунида жами 1 392 нафар солиқ тўловчи иштирок этди. Бу ҳақда Давлат солиқ қўмитаси Жамоатчилик билан алоқалар ва ҳуқуқий ахборот бўлими хабар берди.
Семинар солиқ қонунчилигига киритилган ўзгартириш ва қўшимчаларни солиқ тўловчиларга етказиш мақсадида ташкил этилган.Семинарда Тошкент вилоятидан ташриф буюрган солиқ тўловчилардан 60 дан ортиқ саволлар келиб тушган ва уларнинг барчасига вилоят давлат солиқ бошқармаси мутахассислари томонидан батафсил жавоб қайтарилган.Солиқ тўловчиларга солиқ тизимидаги янгиликлар махсус тайёрланган тарқатма материаллар ва видеороликлар ёрдамида тушунтирилди. Ташриф буюрувчиларга 1 400 га яқин буклетлар тарқатилди.Кўргазмали семинар иштирокчиларидан кўпроқ 2019 йилнинг 1 январидан жорий этилган қўшилган қиймат солиғини тўлаш ва уни ҳисоблашга оид саволлар йўлланиб, уларга мисоллар асосида атрофлича жавоблар берилди.
Шу билан бирга, Тошкент вилоятида қўшилган қиймат солиғи тўловига ўтиши лозим бўлган 1 491 та корхонанинг ҳар 10 тасига бир нафардан ходим бириктирилганлиги маълум қилинди. Ушбу ходимлар жойларга чиққан ҳолда, корхоналарга амалий ёрдам ва маслаҳатлар бермоқда.Тошкент вилояти давлат солиқ хизмати органлари томонидан солиқ соҳасидаги норматив-ҳуқуқий ҳужжатлар мазмун-моҳияти ва аҳамияти аҳоли ўртасида кенг тушунтирилмоқда.
2019 йилнинг ўтган қисқа даври давомида ҳудудларда давлат солиқ хизмати органлари ва бошқа мутассадди ташкилотлар раҳбарларини жалб қилган ҳолда, 17 та семинар ўтказилди ва уларда 1 477 нафар тадбиркорлар иштирок этди. Жойларда ўтказилган семинарлар давомида иштирокчилардан жами 2878 дан ортиқ саволлар келиб тушди ва уларнинг барчасига ўз вақтида аниқ ҳамда тезкор жавоблар берилди.
Изоҳ (0)