16 январь куни «Инсон ҳуқуқлари ва қонун устуворлиги учун ҳамкорлик: Ўзбекистон ва Россия Омбудсман институтлари ўртасидаги ҳамкорликнинг гуманитар жиҳатлари» мавзуида бўлиб ўтган давра суҳбатида бандлик ва меҳнат муносабатлари вазири ўринбосари Баҳодир Умурзоқов Россияга ишлашга кетган меҳнат муҳожирлари сонини эълон қилди. Бу ҳақда «Nuz.uz» хабар берди.
Вазирлик берган маълумотларга кўра, Россияга ишлашга кетган ўзбекистонлик меҳнат муҳожирларининг сони 2 644 000 кишини ташкил қилган. Шундан 360 000 нафари Меҳнат вазирлигининг расмий йўллари орқали кетган.Баҳодир Умурзоқовнинг айтишича, меҳнат муҳожирлари иккита тоифага бўлинади — расмий ва норасмий тартибда кетганлар.Норасмий тартибда кетган муҳожирларнинг аҳволи ҳавас қилгулик эмас. Улар ижтимоий кафолатлардан, пенсия ва меҳнат стажидан маҳрум. Уларда одатда ҳуқуқий муаммолар ва меҳнат келишмовчиликлари юзага келади. Бу тоифадаги муҳожирларнинг рус тилини билмаганлиги тегишли малакалар ва иш ҳақи даражаси билан ўзларига муносиб иш топишга имкон бермайди.Меҳнат вазирлиги орқали Россияга кетган муҳожирлар ҳуқуқий соҳада барча ижтимоий кафолатлар билан ишончли ҳимояланган. Улар ўзларининг иш стажи, пенсияси сақланиб қолади ва меҳнат қонунчилигини уларга Россия фуқароларига қўлланилгандай қўлланилади.
Одатда, ушбу тоифадаги муҳожирлар бир қатор мутахассисликлар бўйича юқори разрядларга эга. Вазир ўринбосарининг сўзларига кўра, бунга республикада яратилган 12 та мутахассислик бўйича мутахассисларни қайта тайёрлаш ва малакасини ошириш бўйича 16 та марказ ташкил этилганидир. Бу ерда номзодларни Россияда ишлашга тайёрлаш, рус тилида хизмат поғонасида кўтарилишига ёрдам беради.
Шартнома тузиш мутахассисни танлаган россиялик иш берувчи Россия Федерацияси меҳнат қонунларига мувофиқ ўзбекистонлик ишчига нисбатан ҳам барча мажбуриятларни бажариши шарт.2019 йилнинг охиригача Меҳнат вазирлиги бундай марказлар сонини 50 тага, расмий меҳнат муҳожирлар сонини эса 600 мингга етказишни режалаштирмоқда. Шу билан бирга, Баҳодир Умурзоқовнинг таъкидлашича, бугунги кунда Россия иш берувчилари томонидан мутахассисларни тайёрлаш сифати ҳақида ҳеч қандай эътирозлар бўлмаган.
Изоҳ (0)