«Агробанк» Германия банклари билан муҳим келишувларни имзолади

Мамлакатимизда ҳозирги кунда амалга оширилаётган иқтисодий ислоҳотлар натижасида хорижий инвестицияларни жалб этиш кўлами сезиларли ошмоқда.

Берлинда ўтказилаётган Ўзбекистон—Германия ишбилармонлари бизнес-форуми тижорат банклари учун фаол инвестиция муҳитини яратиб бераётгани билан янада аҳамиятли бўлмоқда.

Халқаро форум доирасида «Агробанк» акциядорлик тижорат банки илк бор 150 миллион Евро миқдорида кредит линия маблағларини жалб қилиш бўйича «Landesbank BadenWurttemberg» ҳамда «Commerz Bank AG» банклари билан келишувлар имзолади.

Келишувлар доирасида жорий йил 1-чорагида тўртта саноат корхоналарининг истиқболли лойиҳаларига 65 миллион Евро миқдорида кредит маблағлари ажратилади. Бунинг ҳисобига 1500 дан ортиқ янги иш ўринлари яратилади.

Мазкур келишувлар Германия молия институтлари билан икки томонлама ҳамкорликни ривожлантириш ва инвестиция фаолиятини кенгайтиришга хизмат қилади.

«Агробанк» АТБ матбуот хизмати

Сайт: www.agrobank.uz

Telegram

Facebook

Реклама ҳуқуқи асосида.