Henley & Partners консалтинг компаниясининг халқаро паспортлар рейтингида Туркманистон 85-мавқега жойлашди, Ўзбекистон ва Тожикистон 80-ўринни ўзаро бўлишиб олди, Қозоғистон 67-ўринни, Қирғизистон эса 76-ўринни олди. Бу ҳақда ЎзА хабар берди.
Ўзбекистон ва Тожикистон фуқаролари 58 та мамлакатга визасиз бора олади. Қозоғистон фуқаролари визасиз 76 та мамлакатга бора олади. Қирғизистонликлар эса жаҳоннинг 64 та мамлакатига бориши мумкин.
Япония Henley & Partners консалтинг компаниясининг паспортлар рейтингида биринчи ўринга лойиқ деб топилди. Япония фуқаролари визаларсиз дунёнинг 190 та мамлакатига боришлари мумкин.
Рейтингнинг иккинчи ўринида Сингапур ва Жанубий Корея турибди. Бу мамлакат паспортларнинг эгалари визасиз 189 та мамлакатга боришлари мумкин. Учинчи ўрин Германия ва Францияга насиб қилди. Бу мамлакатларнинг фуқаролари жаҳоннинг 188 та мамлакатига визасиз бориш ҳуқуқига эга.
Рейтингда жами 104 та ўрин бор. Умумий рейтингни Афғонистон ва Ироқ якунлайди. Бу мамлакатларнинг фуқаролари 30 та мамлакатга визасиз бора олади.
Изоҳ (0)