Бугун,

  • USD 11095.31
  • RUB 173.84
  • EUR 10772.44

Улуғбек Бекназаров 1993 йилда Наманган шаҳрида туғилган. Ўткир лимфобласт лейкоз ташхиси қўйилгунига қадар Улуғбек ҳам бошқалар каби ўзининг ҳаёти билан яшаётган, ширин ташвишлари билан елиб-югураётган эди. У 2018 йилнинг баҳорида уйланмоқчи, кўз остига олиб қўйган қизи билан янги ҳаёт остонасига қадам қўймоқчи эди.

Апрель ойида Улуғбекнинг режалари, ҳаётини бутунлай ўзгартириб юборган ҳодиса юз берди. Шу кунгача умуман касал бўлмаган забардаст йигит бир ҳафта ичида озиб-тўзиб кетди. Аввалига унинг қўлтиғи остига кичкина яра чиқди. Намангандаги вилоят онкология шифохонасида ушбу яра қўрқинчли касаллик аломати эканлигини айтишди. Оила аъзолари зудлик билан Улуғбекни Тошкентдаги гематология шифохонасига олиб келди.

Улуғбек саккиз ойдан бери даволаниш муолажаларини олиб келмоқда. Бу касаллик нафақат йигитни балки, унинг оила аъзоларини ҳам қийнаб қўйди. Акасининг айтишича, айни пайтда бир суткалик дорилар нархи 4 миллион сўмдан ошмоқда. Улуғбекка давлат томонидан 226 минг сўм атрофида моддий ёрдам ажратилади. Аммо бу пул урвоқ ҳам бўлмайди. Оила шу кунгача муолажалар харажатларини ўз ҳисобидан кўтарган. Бироқ ҳозирда жуда қийналиб қолишган.

«31 декабрдан бошлаб укамнинг кўзи хиралашиб, яхши кўрмай қолди. Шифокорларнинг айтишича, бу касалликнинг асорати экан. Ҳозирда у жуда тушкун аҳволда, шундай бўлса ҳам тузалиб кетишга умид билан яшамоқда.

Укамнинг ҳаётини Туркияда ўтказиладиган мураккаб операция сақлаб қолиши мумкин, бунинг учун эса катта пул керак», — дейди Улуғбекнинг акаси Нодирбек.

Азиз юртдошлар, Улуғбекжон бизнинг ёрдамимиз билан оёққа туриши мумкин! Унинг соғайиб кетишига ҳисса қўшайлик!

Хайрия қилиш учун маълумотлар:

МФО: 00711

ИНН: 20004849923120000300000711100

Бекназаров Улуғбек.

Пластик рақами: 8600 0609 7064 2683

Click рақами: +99 897 217 46 46

Акаси Нодирбекнинг телефон рақами:

91 367 31 21

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)