8 январь, сешанба куни футбол бўйича Осиё Кубогининг 1-турининг «E» гуруҳидаги илк учрашув якунига етди.
Ушбу беллашувда Саудия Арабистони терма жамоаси КХДР термаси билан баҳсга киришди ва жавобсиз 4 та гол уришга муваффақ бўлди.
1-бўлимнинг 28-дақиқасида Саудия Арабистони ярим ҳимоячиси Султон Баҳбир КХДР термаси дарвозасининг узоқ бурчагини нишонга олди ва ҳисобни очди (1:0). Ўйиннинг 37-дақиқасида эса Муҳаммад ал-Фатил жарима зарбасидан узатилган тўпни рақиб дарвозасига киритди (2:0).
2-бўлимнинг 70-дақиқасида Салим ал-Досарийнинг йўллаган зарбаси олдида КХДР термаси дарвозабони Ри Мён Гук ҳеч нарса қила олмади ва ҳисоб 3:0 кўринишига келди. Учрашувнинг асосий вақти якунланишига 3 дақиқа қолганда Ҳамдан ал-Шамронийнинг узатмасини Фаҳад ал-Муваллад голга айлантирди.
Шу тариқа Саудия Арабистони Осиё Кубоги баҳсларини йирик ҳисобдаги ғалаба билан бошлади (4:0).
Осиё Кубоги—2019
«E» гуруҳи, 1-тур
8 январь, сешанба
Саудия Арабистони — КХДР 4:0
Голлар: 1:0 — 28 Султон Баҳбир, 2:0 — 37 Муҳаммад ал-Фатил, 3:0 — 70 Салим ал-Досарий, 4:0 — 87 Фаҳад ал-Муваллад.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)