Пепе «Арсенал» таклифини рад этди

«Реал Мадрид»нинг собиқ ҳимоячиси Пепе Лондоннинг «Арсенал» клуби таклифини рад қилди, деб ёзади L’Equipe.

Ҳозир эркин агент мақомида бўлган Пепега Лондон клуби шартнома тузиш таклифи билан чиққан, бироқ у буни рад этган.

Аввалроқ Пепе «Бешиктош» клубидаги молиявий муаммолар сабаб жамоа билан шартномасини бекор қилганди. Қайд этилишича, у айни дамда Тьерри Анри устозлик қилаётган «Монако» билан келишувга эришган.

Жорий мавсумда Пепе Туркия чемпионатининг 10 та учрашувида 3 та гол уришга эришганди.