Бугун,

  • USD 11095.31
  • RUB 173.84
  • EUR 10772.44

Ўзбекистон Молия вазирлиги ҳузурида қўшилган қиймати солиғи (ҚҚС)га ўтиш бўйича саволларга тезкор муносабат билдириш, шунингдек, истеъмол маҳсулотлари нархларининг шаклланишини мониторинг қилиб бориш бўйича штаб ташкил этилди. Бу ҳақда Молия вазирлигининг Telegram-каналида хабар берилмоқда.

Фото: «Газета.uz»

Фото: «Газета.uz»

Вазирлик ҚҚС тўловига ўтиш бўйича саволлар туғилса ёки маҳсулотларнинг нархини асоссиз тарзда ошириш ҳолатлари аниқланса, мурожаатларни @MoliyaPress Telegram-аккаунтига юборишни сўрамоқда. «Ахборот юзага келаётган муаммо ва саволларни тезкор ҳал қилиш учун масъул шахсларга етказилади», — дейилади хабарда.

Бундан ташқари, солиқ қонунчилигини қўллаш бўйича саволларга Давлат солиқ қўмитаси маслаҳатчилари ҳам (+998-71) 202-32-82 колл-сентр рақами ёки 1198 қисқа рақами орқали жавоб беради. Янги солиқ тизими ҳақидаги долзарб ахборот ДСҚнинг ҳам Telegram-каналида чоп этиб борилмоқда.

«Газета.uz»нинг эслатишича, 2019 йил 1 январдан бошлаб, ўтган йил якунлари бўйича йиллик обороти (пул айланмаси) миллиард сўмдан ошган ёки йил давомида белгиланган чегаравий миқдорга етган корхоналар умумбелгиланган солиқларни тўлашга ўтказилади.

2021 йил 1 январга қадар эса солиқ тўловчиларнинг айрим категориялари учун қўшилган қиймат солиғини ҳисоблаб чиқариш ва тўлашнинг соддалаштирилган тартиби жорий этилади (аксиз солиғи тўланадиган маҳсулот ишлаб чиқаришни ва ер қаъридан фойдаланганлик учун солиқ солинадиган фойдали қазилмаларни қазиб олишни амалга оширувчилар бундан мустасно).

Солиқ даври давомида ялпи тушуми 3 миллиард сўмдан ошмайдиган юридик шахслар, шу жумладан ягона солиқ тўлови тўловчилари ҳисобланган юридик шахслар қўшилган қиймат солиғини ҳисоблаб чиқариш ва тўлашнинг соддалаштирилган тартибини танлаш ҳуқуқига эга.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди