«Дарё» таҳририятига Лазокат Нишонова мурожаат қилиб, юрак порогини даволаш учун ўтказиладиган жарроҳлик амалиётига тўланадиган пулни йиғишга ёрдам сўради.
«13 ёшимда ревматизм касалига чалинганман. Ревматизм касаллигига қарши курашиб, даволаниб юрганимда юрак пороги касаллиги ҳам пайдо бўлган. Шундан сўнг докторларга мурожаат қилганимда, улар юрак клапанларим ишламаётганлигини айтишди. Бир неча кун аввал 15-шаҳар шифохонасининг ‘Кўкрак касалликлари жарроҳлиги’ бўлимида бўлган текширувда менинг 5 сантиметрли юрагим 1,5 сантиметрга торайиб кетганлигини айтишди. Докторлар, агар клапанлар операция қилинмаса, нафас олишим ёмонлашиб бораверишини ва натижада касал бўлиб, ётиб қолишимни таъкидлашди.
Шу кунларда уйда ётиб, даволаниб турибман. 11 декабрда операция бўлиши керак эди, лекин ошқозонимда ҳам муаммо бор экан. Агар операция вақтида ошқозонда ички қон кетиш содир бўлса, бу докторларга янада муаммо туғдиришини ва менинг ўзимга ҳам қийин бўлишини айтишди. Операция қилинмаса бўлмас экан, лекин маблағдан қийналиб қолдик. Имкони борлар ёрдам беришса, дардлардан қутулиб, оилам билан чиройли ҳаёт кечирсам дейман», — дейди Лазокат опа касаллиги ҳақида гапирар экан.
Операция 8 январда ўтказилиши режалаштирилган. Лазокат опанинг ўғли Тоҳирнинг таъкидлашича, онаси баъзан кечалари ухламасдан чиқади. Ўғил ва келин галма-галдан Лазокат опа билан бирга ўтириб, унга қараб ўтиради.
«Гоҳида бошларини тагини баланд қилиб қўямиз, гоҳида пастлатамиз. Хоналари иссиқ бўлганлиги учун ойнани очиб қўйишга мажбур бўламиз, ойна кўп очиқ турса хона ҳам совиб кетади. Кечалари юраклари кўп оғрийди, туни билан қийналиб чиқадилар. Уларга қийин бўляпти, касаллик қаттиқ безовта қиляпти», — дейди ўғли.
Барча саховатпеша юртдошларимиздан имкони борича оғир дард билан курашаётган онажонга ёрдам беришларини сўраймиз!
Лазокат опанинг ўғли Тоҳирнинг номига очилган пластик карта рақами:
8600 1404 8850 5927
Телефон рақами: 97-712-64-99
Изоҳ (0)