4 январнинг асосий янгиликлари — «Дарё» дайжестида.
Жиззахда оилали эркакка нисбатан товламачилик қилган қиз 1,5 йилга қамалди.
Жиззах шаҳрида яшовчи (судланувчи ва жабрланувчининг исми ўзгартирилган) Ч.Фаёзов 2017 йилнинг декабрь ойида шаҳар ҳудудида ўзига тегишли бўлган Lacetti русумли автомашинасида киракашлик қилиб юрган вақти Е.Маркова билан танишиб қолади.
Ч.Фаёзов Е.Маркова билан яқин муносабатда бўлиб, у билан тез-тез учрашиб туриб, Е.Марковага иш топгунига қадар унга моддий ёрдам бериб келади.
Ч.Фаёзов 2018 йил 20 июль куни Е.Марковага оиласи ва фарзандлари борлигини, оиласи бузилиб, болалари етим бўлиб қолишини хоҳламаслигини, тинч йўл билан алоқани узишликни айтганида, Е.Маркова унга жаҳл қилиб, «маҳаллангга бораман, қўни-қўшниларинг олдида шарманда қиламан» деб қўрқитади. Ч.Фаёзов ундан тинч ажрашиб кетиш учун нима қилиши кераклигини сўраганида, у 1 000 000 сўм пул беришни талаб қилади.
Е.Маркова 1 000 000 сўм пулларни Ч.Фаёзовдан товламачилик йўли билан олган вақтида ИИБ ходимлари Е.Марковадан 1 000 000 сўм пулларни ашёвий далил тариқасида ҳужжатлаштириб олиб, Е.Марковага нисбатан Ўзбекистон Республикаси Жиноят кодекси 165-моддасининг (товламачилик) 1-қисми билан жиноят иши қўзғатилди.
***
Самарқандда фермернинг укалари хўжаликда ишлаган аёлни калтаклаб, буни видеога олди.
Жабрланувчининг айтишича, 26 октябрь куни соат 4:00 да эри билан ҳосилнинг бир қисмини олаётганида фермернинг укаларини учратган. Улар аёлни ҳақоратлаган ва қўлларини боғлаб, тан жароҳатлари етказган. Жараён видеога олинган, кейинчалик дискка ёзилиб, шарманда қилиш билан пўписа қилинган ҳолда аёлга берилган. Ф.У. прокуратурага мурожаатига мазкур дискни ҳам илова қилган. Унда аёл ҳақоратланиб, унга нисбатан жисмоний куч ишлатилгани акс этган.
***
Фарғона вилоятининг Олтиариқ туманида, Кичик Фарғона канали бўйида янги туғилган чақалоқнинг жасади топилди.
Бош прокуратура матбуот хизмати хабар беришича, мурда сувдан чиқариб олиниб, вилоят суд-тиббий экспертиза бюроси эксперти иштирокида кўздан кечирилганда, мурданинг аёл жинсига мансублиги ва унда тан жароҳатлари (бўғиш, ташқи таъсир натижасида ўлдириш каби белгилар) мавжуд эмаслиги, шунингдек киндиги 3 см.ни ташкил қилиб, тиббиётга хос бўлмаган усулда кесилган ва боғланмаганлиги аниқланган.
Вилоят суд-тиббий экспертиза бюросининг 2019 йил 2 январдаги дастлабки маълумотномасига кўра, чақалоқ мурдаси сувда тахминан 10 кун қолиб кетганлиги, ички тана аъзолари текширилганда, унинг ошқозонида сут қолдиғи топилмаган, мурданинг ўлим сабаби, туғилганидан сўнг яшаганлиги, сувга тирик ёки ўлган ҳолатда тушганлиги каби ҳолатлар суд-гистология текшируви натижасига кўра аниқланиши қайд этилган.
***
Марказий Осиё давлатларининг хавфсизликни таъминлаш ва минтақавий муаммоларни бартараф этишдаги ўзаро муносабатларида ишонч даражаси оширилади. Бу ҳақда 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури лойиҳасида айтилган.
Бажариш муддати — 2019 йил 20 июль, ижро учун масъуллар — ТИВ, ДХХ, Стратегик ва минтақалараро тадқиқотлар институти.
***
Ўзбекистоннинг энг ёш кимёгари янги элементга Шавкат Мирзиёев номини бермоқчи.
— Энг буюк орзуим халқаро Нобель мукофотини қўлга киритиш ва муҳтарам юртбошимиз Шавкат Мирзиёв номига янги кимёвий элемент яратмоқчиман. Бу янги элемент ШМ шаклида бўлади. Чунки кимёвий элементларни номланишида маълум бир анъана мавжуд, яъни элемент формуласи учун биринчи ёки иккинчи ҳарфлар олинади. Бундан ташқари элементга ном бериш ҳуқуқи муаллифда бўлади. Шу ҳуқуқимдан фойдаланмоқчиман, — деди кимё фани билимдони 7 ёшли Зафаржон.
Изоҳ (0)