АҚШнинг Беркли шаҳридаги Калифорния университети олимлари томонидан аниқланишича, тиш пастаси, шампунь ва совун таркибида бўладиган кимёвий моддалар таъсирига учрайдиган болалар эрта жинсий етилишга мойил бўлиши мумкин. Бу эса, ўз навбатида, руҳий касалликлар, кўкрак ва жинсий аъзолар саратони хавфининг ортишига олиб келади. Бу ҳақда The Star хабар берди.
Тадқиқотда 388 нафар қиз иштирок этган. Уларнинг соғлиғи туғилганидан ўсмирлик ёшига етгунига қадар кузатилган. Мутахассислар болалар ўсиши ва ривожланишига таъсир кўрсатадиган асосий омилларни аниқлаган. Бунда вақтли жинсий етилиш сифатида кўкракнинг ўсиши ва саккиз ёшгача дастлабки ҳайз кўриш аниқланган. Бу муаммога учраган қизлар катта бўлгани сари ижтимоий муаммоларга дуч келади ва ўсмир сифатида хавфли хулқ-атворга мойил болади. Бунда одатда қизларда пубертал давр 11 ёшда бошланади.
Мутахассисларнинг таъкидлашича, кўп йиллар давомида кузатилган эрта етилишни шахсий гигиена воситалари таркибидаги фталат, парабен ва фенол каби моддалар келтириб чиқариши мумкин. Уларнинг таъсири эндокрин тизими фаолиятида узилишларни келтириб чиқарадиган гормонларнинг таъсирини эслатади.
Изоҳ (0)