AQShning Berkli shahridagi Kaliforniya universiteti olimlari tomonidan aniqlanishicha, tish pastasi, shampun va sovun tarkibida bo‘ladigan kimyoviy moddalar ta’siriga uchraydigan bolalar erta jinsiy yetilishga moyil bo‘lishi mumkin. Bu esa, o‘z navbatida, ruhiy kasalliklar, ko‘krak va jinsiy a’zolar saratoni xavfining ortishiga olib keladi. Bu haqda The Star xabar berdi.
Tadqiqotda 388 nafar qiz ishtirok etgan. Ularning sog‘lig‘i tug‘ilganidan o‘smirlik yoshiga yetguniga qadar kuzatilgan. Mutaxassislar bolalar o‘sishi va rivojlanishiga ta’sir ko‘rsatadigan asosiy omillarni aniqlagan. Bunda vaqtli jinsiy yetilish sifatida ko‘krakning o‘sishi va sakkiz yoshgacha dastlabki hayz ko‘rish aniqlangan. Bu muammoga uchragan qizlar katta bo‘lgani sari ijtimoiy muammolarga duch keladi va o‘smir sifatida xavfli xulq-atvorga moyil boladi. Bunda odatda qizlarda pubertal davr 11 yoshda boshlanadi.
Mutaxassislarning ta’kidlashicha, ko‘p yillar davomida kuzatilgan erta yetilishni shaxsiy gigiyena vositalari tarkibidagi ftalat, paraben va fenol kabi moddalar keltirib chiqarishi mumkin. Ularning ta’siri endokrin tizimi faoliyatida uzilishlarni keltirib chiqaradigan gormonlarning ta’sirini eslatadi.
Izoh (0)