Франциялик кекса киши бочка ичида Атлантикага саёҳатга отланди

Франциялик Жан-Жак Савен Атлантика океани бўйлаб двигатели, елкани ва эшкаклари бўлмаган бочкада саёҳатга чиқди, деб хабар берди «РИА Новости».

Январь ойида 72 ёшни қарши оладиган эркак сувдаги саёҳатини Канар ороллари таркибига кирувчи Эл-Ерро кичик оролидан бошлади. Саёҳатчи уч ойдан сўнг яъни 2019 йилнинг мартигача Кариб оролларига етиб олмоқчи.

Франциялик эркакнинг бочкаси уч метр узунлик, икки метр диаметр ва 450 килограмм оғирликка эга. У кўп қатламли фанерадан ясалган бўлиб, оловрангга бўялган.

Бочка ичида олти квадрат метр майдонда кушетка, ошхона бурчаги, харита учун стол, шунингдек буюмларни сақлаш учун жой мавжуд, шунингдек полда балиқларни кузатиш учун иллюминатор ҳам жойлашган.

Савеннинг сўзларига кўра, саёҳат яхши бошланган, бочка соатига 2—3 километр тезликда ҳаракатланмоқда. У Янги йил ва туғилган кунини нишонлаш учун ўзи билан Саутернес виносидан олиб кетган.

Саёҳатчи, денгиз оқими табиий усулда уни Кариб ороли ёки Барбадос оролларига олиб боришига умид қилмоқда. Бироқ Савен ўз саёҳатини якунлаш учун энг яхши нуқта деб Франциянинг Мартиника ёки Гваделупа оролларини билади.

«Ўшанда ҳужжатлар билан иш тез битади ва бочкани осон олиб ўтиш мумкин бўлади», — дейди Савен.