ИШИД террорчилари АҚШ томонидан қўллаб-қувватланадиган курд ва араб гуруҳлари иттифоқи бўлган «Сурия демократик кучлари» курдларига ҳужум қилди. Бу ҳақда иттифоқ етакчиси Мустафо Бали Twitter’да маълум қилган.
Унинг сўзларига кўра, жангарилар Хажин шаҳри ҳудудида ҳужум уюштирган. Етакчининг қайд этишича, бу АҚШнинг ўз қўшинларини мамлакатдан олиб чиқиб кетиши ҳақидаги хабарлар билан боғлиқ.
Иттифоқ етакчисининг ёзишича, ИШИД кенг қамровли ҳужумни бошлаган, ҳудудда жиддий жанговар тўқнашувлар юз бермоқда. Иттифоқ кучлари шаҳарнинг фақат 35 фоизини назорат қилмоқда. Унинг қўшимча қилишича, жангарилар ҳужум қилишни давом эттиради, ИШИД ҳали кучли эканлигини ҳамма билиши керак.
Курдларнинг Москвадаги вакили Ршад Биэнаф фикрига кўра, АҚШнинг қўшинларни чиқариш ҳақидаги қарори вақтли қабул қилинган, Суриядаги ИШИД хавфи ҳали ҳам сақланиб турибди.
АҚШ курд гуруҳларига ўзининг қошинларни олиб чиқиши 19 декабрь куни хабар берган. Иттифоқ жангчилари Вашингтоннинг қарорини сотқинлик ва орқадан пичоқ билан берилган зарба деб атаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)