Forbes’нинг бизнес юритувчи энг яхши мамлакатлар рўйхатида Ўзбекистон 105-ўринни эгаллади

Forbes Ўзбекистонни бизнес юритиш учун энг яхши мамлакатлар рўйхатига киритди. Forbes бизнес юритиш учун энг яхши мамлакатлар рўйхатини эълон қилди. Рўйхатда 161 мамлакатдан Ўзбекистон 105-ўринни эгаллади. Бу ҳақда «Spot» хабар берди.

Журнал рўйхатни бир қатор мезонлар асосида тузади: эгалик ҳуқуқи, инновация жорий этиш даражаси, солиқ солиш даражаси, технология, коррупция даражаси, эркинлик(шахсий, савдо ва молиявий), бюрократизм ва инвесторларнинг ҳимояланганлиги.

2017 йилда Ўзбекистон 99-ўринда бўлган, аммо унда рўйхатда мамлакатлар ҳам камроқ бўлган — 153 та.

МДҲ мамлакатларида энг яхши кўрсаткичлар Россияда — 55-ўрин, Марказий Осиё мамлакатларида — Қозоғистон (65-ўрин).

Биринчи ўринни аввалги йилдаги каби Буюк Британия эгаллади. Иккинчи ўрин Швеция, учинчи — Гонконгга насиб қилди.

Илк ўнталикка шунингдек, Нидерландия, Янги Зеландия, Канада, Дания, Сингапур, Австралия ва Швейцария кирди.