Мадриднинг «Реал» клуби дарвозабони Кейлор Навас қишки трансферлар вақтида клубдан кетмайди, дея хабар беради Marca нашри.
Коста-Рикалик 32 ёшли дарвозабон асосий таркиб учун курашда Тибо Куртуага мағлуб бўлди ва жорий мавсум барча турнирларда фақатгина 8 та учрашувда майдонга тушди.
Навас Чемпионлар Лигаси гуруҳ босқичидаги ҳал қилувчи аҳамиятга эга бўлмаган ЦСКА (0:3) билан учрашувда майдонга туширилмаганидан норози, бироқ у ёзги трансферда якуний қарор қабул қиладиган бўлди.
Январда у бир неча сабабларга кўра кетишни истамаяпти. Февраль ойида Навас яна оталик бахтига муяссар бўлади. Унинг оиласи эса 2014 йилдан бери яшаб келаётган Мадриддан кетишни хоҳламаяпти.
Бундан ташқари Навасга «Реал»да бўлгани каби, 5 миллион эврога тенг бўлган маош ва жамоанинг асосий дарвозабони бўлишдек таклиф билан чиққан топ-клублар йўқ. «Реал» ҳам Навасни қўйиб юбормоқчи эмас. Мавсум якунига қадар ҳеч қандай фавқулодда ҳолат юз бермаса, фақат Испания Кубогида ўйнаш шарти билан уни клубда олиб қолади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)