Ҳукумат қарори билан Йўл ҳаракати хавфсизлигини таъминлаш ва замонавий йўл инфратузилмасини ташкил этиш соҳасида давлат-хусусий шерикликни амалга ошириш тартиби тўғрисидаги вақтинчалик низом тасдиқланди. Бу ҳақда Адлия вазирлигининг «Ҳуқуқий ахборот» Telegram-каналида хабар берилди.
Низомга мувофиқ, давлат-хусусий шериклик лойиҳаси ташаббуси давлат томонидан ёки хусусий шерик томонидан чиқиши мумкин.
Танлов ўтказиш учун шерик ҳузурида камида етти кишидан иборат Танлов комиссияси ташкил этилади, унинг таркибига мутасадди ташкилот вакиллари жалб этилади.
Давлат-хусусий шериклик шартларида лойиҳаларда иштирок этиш хоҳишини билдирган юридик шахс Танлов комиссиясига ариза беради. Аризага қуйидагилар илова қилинади:
- давлат рўйхатидан ўтказилганлик тўғрисидаги гувоҳноманинг ёки бошқа ҳужжатнинг нусхаси;
- лойиҳани амалга ошириш учун молиявий имкониятлар мавжудлигини тасдиқлайдиган маълумотлар;
- инвестиция лойиҳаси;
- инвестиция лойиҳасининг дастлабки техник-иқтисодий кўрсаткичлари;
- мажбурий йиғим тўланганлигини тасдиқлайдиган ҳужжат.
- танлов эълон қилиш тўғрисида;
- давлат-хусусий шериклик лойиҳасини амалга оширишни рад этиш тўғрисида;
- талаблар бузилишини бартараф этиш учун аризани қайтариш тўғрисида.
Изоҳ (0)