Сурхондарё вилоятининг Термиз шаҳрида туғилган 10 ёшли Нозима айни пайтда оғир дард — лейкозга чалинган. Унинг орзулари бир олам, жажжи қизалоқ ҳис-туйғуларини қоғозга тушириб туради — катта бўлганида шоира бўлишни мақсад қилган.
Нозиманинг даволаниши учун катта маблағ талаб этилади. Унинг отаси жигар сиррозидан вафот этган. Ёлғиз онаси эса нуридийдасининг даволаниши учун қўлидан келган барча имкониятни ишга солмоқда. Бироқ, бу дард осонгина чекинмас экан…
2018 йилнинг ноябрь ойида Нозиманинг мазаси қочади. Қизалоқнинг баданида кўкаришлар кузатилди, унинг кўнгли айниб, ҳолсизлана бошлади. Нозима ва унинг 4 ёшли укасини боқиш мақсадида эрта-ю кеч тиним билмай ишлайдиган она қизалоғини шифокор кўригига олиб борганида уни тақдирнинг навбатдаги синови кутиб тургани ошкор бўлди.
«Бу касалликнинг давосига жуда катта маблағ кетаркан. Мен бир оддий онаман, бирон бир бой бадавлат қариндошим йўқ, турмуш ўртоғим оламдан ўтганлар. Нозима қизимнинг дориларини олиш учун қариндошлардан катта қарз кўтарганман. Ҳозирга келиб эса қийналиб қолдим. Сотадиган ҳеч нарсам ҳам йўқ. Яхши инсонлардан ёрдам сўрайман», — дейди Нозиманинг онаси.
Ҳозирда оила Нозиманинг касаллиги туфайли Тошкентда ижарада яшашга мажбур бўлмоқда. Қизалоқнинг дориларини сотиб олишдан ташқари ҳар ой ижара ҳақини тўлаш ҳам онани қийнаб қўймоқда. Шу сабабли барча саховатпеша инсонлардан қизалоққа имкон қадар ёрдам беришни сўраймиз!
Онасининг телефон рақами: +998 90 746 39 27
Пластик карта рақами: 8600 0417 0138 1189
Изоҳ (0)