Хитойлик продюсерлар «Ўзбеккино» агентлигида ҳамкорликдаги «Қаҳрамон« фильми хусусида музокаралар олиб борди

Хитойлик таниқли кинопродюсер Ло Хао бошчилигида Ўзбекистонга келган Hunan Heguang Media  кинокомпанияси вакиллари «Ўзбеккино» миллий агентлиги раҳбарияти билан учрашди.

Хитой киносаноати вакиллари Orange Sky Golden Harvest Group ва Hunan Mango Studios кинокомпаниялари томонидан ишланган сериаллар ва бадиий фильм тақдим этди.

Учрашув давомида Ўзбекистон билан ҳамкорликда ишланадиган «Уч шаҳар« лойиҳаси ва «Қаҳрамон« бадиий фильми хусусида музокаралар олиб борилди. Шунингдек, кино ва сериаллар, телевидение учун видеоматериаллар тасвирга олишда ўзаро тажриба алмашиш, кадрлар масалалари кўриб чиқилди.

Хитой киносаноати вакиллари «Ўзбеккино» Миллий агентлигига «Зулматдаги қора жанг», «Жаноб сув одами», «Ўтинчи Лю Хай» каби кинокартиналарни тақдим этишларини билдирди.