Хоразм вилоятидаги Ёшлар марказида «Келин-куёвлар инновацион мактаби» очилди. Бу ҳақда «Дарё»га Ёшлар медиа маркази маълум қилди.
Ушбу мактаб Ёшлар иттифоқи томонидан «Оила» илмий-амалий тадқиқот маркази билан ҳамкорликда ташкил этилди.
Мазкур мактабни очишдан асосий мақсад ёшларни оилавий ҳаётга тайёрлаш, бўлғуси келин-куёвларга ҳаётий тажрибалардан сабоқ бериш, уларнинг оилавий муносабатлар бўйича билим ва кўникмаларини оширишдан иборат.
Очилиш маросимида Бош вазир ўринбосари, Хотин-қизлар қўмитаси раиси Танзила Норбоева, Вазирлар Маҳкамаси ҳузуридаги «Оила» илмий-амалий тадқиқот маркази директори, сенатор Дилором Тошмуҳамедова, мутасадди ташкилот раҳбарлари, вилоятдаги ёш оила вакиллари иштирок этди.
Ёш оилаларга семинар-тренинглар ўтиш учун вилоятдаги энг намунали оилалардан бири Машариповлар оиласи ҳам таклиф этилди.
Очилиш маросимидан сўнг махсус тренерлар томонидан ёш оила вакиллари учун биринчи ўқув-семинар ўтказилди.
Изоҳ (0)