27 ноябрь, сешанба куни футбол бўйича Европа Чемпионлар Лигаси мусобақасининг 4 та гуруҳида 5-тур беллашувлари бўлиб ўтди.
«E» гуруҳининг илк ўйинида «Аякс» жамоаси Афинада АЕК клуби меҳмони бўлиб, Душан Тадичнинг дубли эвазига ғалаба қозонди.
«Бавария» эса мазкур турда ўз майдонида «Бенфика» билан куч синашиб, 5:1 ҳисобидаги ғалабани қўлга киритди. Мезбонлар сафида Арьен Роббен ва Роберт Левандовски дублга эришди, яна бир гол эса Франк Рибери ҳисобига ёзилди. Меҳмонларнинг ягона жавоб голига Жедсон Фернандеш муаллифлик қилди.
«F» гуруҳи пешқадами «Манчестер Сити» Францияда «Лион»га қарши баҳс олиб бориб, 2:2 ҳисобида дуранг қайд этди. Мезбонлар сафида Корне дублга эришган бўлса, «Сити» таркибида Эмерик Ляпорт ҳамда Серхио Агуэро биттадан гол киритди.
Германияда «Ҳоффенҳайм» клуби Донецкнинг «Шахтёр» клуби билан баҳс олиб бориб, 2:3 ҳисобида мағлуб бўлди.
«G» гуруҳининг илк ўйини Москвада кечди. Унда ЦСКА жамоаси Чехиянинг «Виктория П» клубини қабул қилиб, 1:2 ҳисобида имкониятни бой берди.
Гуруҳда карвонбошиликни бўлишиб турган «Рома» ва «Реал Мадрид» эса Римда ўзаро ҳисоб-китоб қилиб олди. Ўйинда ҳисоб 47-дақиқада Гарет Бэйл томонидан очилган бўлса, 59-дақиқада Лукас Васкес мадридликларнинг 2-голини киритиб ўйинга якуний нуқта қўйди.
«H» гуруҳида эса «Манчестер Юнайтед» жамоаси Швейцариянинг «Янг Бойз» клубини қабул қилиб, ўйинга қўшиб берилган дақиқаларнинг сўнггисида Маруан Феллаини томонидан урилган гол эвазига қимматли уч очкони қўлга киритди.
Гуруҳ пешқадами «Ювентус» бўлса, Испаниянинг «Валенсия»сини Туринда меҳмон қилиб, Марио Манжукичнинг 59-дақиқада киритган голи сабаб ғалаба қозонди.
Чемпионлар Лигаси
5-тур баҳслари
27 ноябрь, сешанба
«E» гуруҳи
АЕК—«Аякс» 0:2
Голлар: 0:1 – 68, пенальти Тадич, 0:2 – 72 Тадич.«Бавария»—«Бенфика» 5:1
Голлар: 1:0 – 13 Роббен, 2:0 – 30 Роббен, 3:0 – 36 Левандовски, 3:1 – 46 Жедсон Фернандеш, 4:1 – 51 Левандовски, 5:1 – 76 Рибери.«F» гуруҳи
«Лион»—«Манчестер Сити» 2:2
Голлар: 1:0 – 55 Корнье, 1:1 – 62 Лапорт, 2:1 – 81 Корнье, 2:2 – 83 Агуэро.«Ҳоффенҳайм»—«Шахтёр Донецк» 2:3
Голлар: 0:1 – 13 Исмоили, 0:2 – 15 Тайсон, 1:2 – 17 Крамарич, 2:2 – 40 Цубер, 2:3 – 90 Тайсон.«G» гуруҳи
ЦСКА Москва — «Виктория П» 1:2
Голлар: 1:0 – 10, пенальти Влашич, 1:1 – 56 Прохазка, 1:2 – 81 Гейда.«Рома»—«Реал Мадрид» 0:2
Голлар: 0:1 – 47 Бэйл, 0:2 – 59 Васкес.«H» гуруҳи
Изоҳ (0)