Бирлашган Миллатлар Ташкилотининг саккизинчи Бош Котиби Пан Ги Мун Ўзбекистонда ташриф билан бўлиб турибди, деб ёзади ЎзА.
Ташриф доирасида БМТ собиқ Бош Котиби Пан Ги Мун Ўзбекистоннинг Биринчи Президенти Ислом Каримов кўп йиллар фаолият олиб борган Оқсарой қароргоҳида бўлди.
Бу ерда Ўзбекистон Республикасининг Биринчи Президенти Ислом Каримов номидаги илмий-маърифий ёдгорлик мажмуаси жойлашган.
Делегация аъзоларига мажмуа фаолияти, бу ерда олиб борилган бунёдкорлик ишлари ҳақида сўзлаб берилди.
Пан Ги Мун Ўзбекистон Республикасининг Биринчи Президенти Ислом Каримов ҳайкали пойига гул қўйди.
Буюк давлат арбоби, Ўзбекистон мустақиллиги асосчисининг ёрқин хотирасига ҳурмат бажо келтирди.
Изоҳ (0)