Наманганда йўл ҳаракати қоидаларига амал қилишни тарғиб этувчи Isuzu юк машиналари ҳаракатланишни бошлади. Бу ҳақда «Дарё»га га вилоят ИИБ ЙҲХБ матбуот гуруҳи маълум қилди.
— Бортларига «Пиёдалар, ҳаракатланиш қоидаларига амал қилинг», «Ҳаёт тезликдан муҳимроқ», «Ҳайдовчи, пиёдани кўрганда тезликни пасайтир» каби чақириқлар битилган бир неча юк автомобили ҳаракатланмоқда. Бу ташаббус Наманган шаҳрида бошланди, яқин орада туманларда ҳам йўлга қўйилади, — дейди вилоят ИИБ ЙҲХБ матбуот гуруҳи катта инспектори Дониёр Мўйдинов.
Шунингдек, Қамчиқ довонининг Наманган вилоятига қарашли қисмида аввалгиларига қўшимча тарзда яна 14 та катта ўлчамдаги баннерлар ўрнатилди. Улардан айримлари бевосита довон тоннелига кираверишдан жой олди.
Изоҳ (0)