Россиянинг Оренбург шаҳар Октябрский тумани навбатчилик қисмига «Уфа—Оренбург» трассаси полосаларидан бирини бир автобус ёпиб қўйгани ҳақида хабар тушган. Ҳодиса жойига етиб келган инспекторлар Neoплан русумли автобус носозлик туфайли тўхташга мажбур бўлганини аниқлаган.
«Xabar.uz»нинг ёзишича, автобус 43 нафар Ўзбекистон фуқароси билан Уфадан келаётган эди. Йўл назоратчилари ҳодиса ҳақида маҳаллий маъмурият ва фавқулодда вазиятлар бошқармасига хабар берган. Воқеа жойига автомобиль тузатувчи юборилган ва носозлик бартараф этилган.
«Йўловчиларга исиниб олиш учун Октябрский туманига бориш таклиф қилинган, аммо таклиф йўловчилар томонидан рад этилган. Автобус иситиш тизими соз бўлган ва уларнинг ҳаётига ҳеч нарса хавф солмаган. Ҳуқуқ-тартибот ходимлари ўзбекистонликларнинг ҳужжатларини текшириб, миграция қонунчилиги бузилишига доир бирор ҳолатни аниқламаган», — деб ёзади «ПроОрен» нашри.
Автобус тузатилгач, у ўз йўлида давом этган.
Изоҳ (0)