КХДР етакчиси Ким Чен Ин яқинда ишлаб чиқилган қуролнинг синовдан ўтказилишини назорат қилди. Бу ҳақда Жанубий Кореянинг «Рёнхап» агентлиги Шимолий Корея Марказий телевидениесига таяниб хабар берди.
«Партиямизнинг жадал раҳбарияти етакчилигида узоқ вақт давомида ишлаб чиқилган энг янги қурол бизнинг ҳудудимиз хавфсизлигини тўлиқ таъминлаш ва халқимиз жанговарлик қувватини аҳамиятли даражада ошириш мазмунини ўз ичига олади», — дейилади хабарда.
Таъкидланишича, синовлар муваффақиятли кечган. Гап айнан қандай қурол ҳақида бораётганига аниқлик киритилмаяпти.
Аввалроқ Стратегик ва халқаро тадқиқотлар маркази Шимолий Кореяда 13 та махфий ракета базалари топилганини маълум қилган эди.
Изоҳ (0)