Сирдарё вилоятининг Гулистон туманида 14 ноябрь куни «Зарбдор» МФЙда яшовчи М.Н. ўзининг Nexia русумли автомашинасини «Зарбдор» МФЙда ҳайдаб кетаётиб қарама-қарши йўналишга чиқиб, қаршисидан келаётган С.М. бошқарувидаги «ВАЗ-2107» русумли автомашинаси билан тўқнашув содир этган, деб хабар берди ИИВ Жамоатчилик ва оммавий ахборот воситалари билан алоқалар бошқармаси.
Натижада «ВАЗ-2107» автомашинаси ҳайдовчиси С.М., Nexia автомашинаси ҳайдовчиси М.Н. ва унинг йўловчиси 9-сонли ўрта мактабнинг 4-синф ўқувчиси С.М.лар тан жароҳати олиб, касалхонага ётқизилган.
Ҳолат юзасидан дастлабки терговолди ҳаракатлари олиб борилмоқда.
Изоҳ (0)