Буюк британиялик 50 ёшли Трейси Бриттен мамлакат тарихида тўрт эгизакни дунёга келтирган энг ёши катта она бўлди, деб ёзади Big Picture.
Уч нафар вояга етган фарзанди борлигига қарамай, аёл тўртинчи марта она бўлишга қарор қилди ва 7 минг фунт сарфлаб, Кипрда экстракорпарал уруғлантириш усулига мурожаат қилди.
Трейси Бриттеннинг соғлиғи 30 ёшли аёлники билан тенг бўлишига қарамай, шифокорлар ҳомиладор бўлиш эҳтимолини ошириш учун аёлнинг организмига 4 та эмбрионни киритди.
Бироз вақтдан кейин УТТ Трейси эгиз фарзанд билан ҳомиладор эканини кўрсатди, аммо 9-ҳафтада аёл бир йўла 4 фарзанд кўриши маълум бўлди. Бундан эр-хотиннинг боши кўкка етди.
Ҳомиладорликнинг 30-ҳафтасида ҳомилаларнинг бирида саломатлик билан боғлиқ муаммолар аниқланди. Тўрт фарзанд ҳам хавф остида қолгани сабабли, Трейси зудлик билан кесарча кесишга рози бўлди.
Операцияда 35 нафар шифокор қатнашди. Ҳаммаси яхши кечиб, аёл уч қиз ва бир ўғилни дунёга келтирди. Болалар чала туғилгани туфайли ҳозир махсус боксларда сақланмоқда, бироқ Янги йилгача уларга жавоб берилиши кутилмоқда.
Изоҳ (0)