Facebook, Instagram ва Snapchat каби ижтимоий тармоқлардан фаол фойдаланиш одамни ёлғиз ҳис қилдиради, шунингдек, депрессияга сабабчи бўлади. Бундай хулосага Пенсильвания университети психологлари келди, деб ёзади «Life.ru».
Тадқиқот доирасида олимлар 143 талабани икки гуруҳга бўлди. Биринчи гуруҳ ижтимоий тармоқлардан одатдагича фойдаланди, иккинчиси эса Facebook, Instagram ва Snapchat’дан фойдаланиш вақтини ҳар биттаси учун кунига 10 дақиқагача қисқартирди. Бундай режим уч ҳафта давом этди.
Натижада иккинчи гуруҳ талабалари ўзларини биринчи гуруҳникига нисбатан камроқ ёлғиз ҳис қилди, шунингдек, депрессия симптомлари камроқ намоён бўлди.
«Ижтимоий тармоқларга камроқ эътибор ажратиш одамни камроқ ёлғиз ҳис қилдириши истеҳзоли. Бунга баъзи мутахассислар ўз изоҳларини билдиришга улгурди, уларга бунга ғайришуурий ҳолда таққослаш сабаб бўлишини тахмин қилмоқда. Одам бошқа кишилар ҳаётидаги воқеаларга қараганда, бошқалар ундан кўра яхшироқ яшаётгандек туюлади», — дея хулоса қилди тадқиқотчилар гуруҳи раҳбари Мелисса Хант.
Изоҳ (0)