Мазкур йилнинг, 6-7 ноябрь кунлари Huawei компанияси Ўзбекистон электрон тижорат Ассoциацияси томонидан ташкил қилинган «E-commerce Day» конференциясида расмий ҳамкор сифатида иштирок этди. Ушбу конференция интернет-савдо соҳасида хизмат кўрсатадиган провайдерлар, ритейл ва электрон тижорат, шунингдек, IT ва инновацион ишланмалар таерлайдиган компаниялар вакиллари учун Ўзбекистонда электрон тижоратни ривожлантириш йўналишларини муҳокама қиладиган майдонга айланди. Россия, Беларусь, Украина, Хитой, АҚШ ва Ўзбекистон номидан қатнашган спикерлар электрон тижоратни юксалтириш бўйича ўз тажрибалари ва ҳаётий мисоллар билан ўртоқлашдилар.
Huawei компанияси мазкур тадбир доирасида Ўзбекистонда рақамли иқтисодиёт ва электрон тижоратни ривожлантиришга доир қарашлари билан бўлишди, шу билан бирга, IP-телевидение базасидаги телевизион-тижоратнинг ишлаш ҳусусияти ва имкониятларини намойиш қилди. Ушбу ечим ёрдамида мобил ва қайд қилинган алоқа операторлари учун ўз бозорингизни ўстириш ва барча истеъмолчиларга қулай бўлган коммуникация платформасини яратиш мумкин.
Ўзбекистондаги Huawei компаниясининг корпоратив коммуникациялар департаменти директори Даврон Азизовнинг айтишича, Huawei Ўзбекистонда электрон тижорат тараққиётини биринчи навбатда мамлакатдаги барча аҳоли пунктларини юқори тезликдаги ва ҳамёнбоп интернет билан қоплашга имкон берадиган кенг полосали алоқа тизимларини яратишда ва унинг асосида мобил интернет қамровини кенгайтириш лозимлигида кўради.
«Айнан шу мақсадда компаниямиз мавжуд тармоқлар асосида фойдаланувчилар учун ишончли алоқани яратиш ва бу орқали уларни мамлакатимиз рақамли иқтисодиётининг фаол аъзоларига айлантириш учун инновацион ечимларни тарғиб қилиш мақсадида ҳозирда давлатимизнинг мутасадди орган вакиллари билан мазкур мавзу юзасидан бирламчи муҳокамалар олиб борилмоқда. Ана шундай ечимлардан бири сифатида Huawei Rural Star технологиясини мисол қилиб келтириш мумкин. Дизель генераторлар ўрнига қуёш батареяларидан самарали фойдаланиш, ўрнатишга кетадиган харажатларнинг камлиги ҳамда тезда ўзига сарфланган маблағни қоплаши ушбу ечимнинг устун томонлари ҳисобланади» - деб қайд этади Даврон Азизов. Шуни таъкидлаш жоизки, жорий йилда Huawei компанияси «Инновация куни» доирасида UMS билан ҳамкорликда Ўзбекистонда биринчи бўлиб Rural Star технологиясини намойиш қилиб, уни ишга туширди. Бунинг натижасида эса Сурхондарё вилояти Денов туманидаги Сино аҳоли пункти мобил алоқа билан таъминланди.
Ҳозирги кунда кенг полосали алоқа тизими ва мобил алоқа Марказий Осиё кесимида олиб қаралганда жуда чекланган ҳудудни қамраб олган. Ушбу минтақада кенг полосали тармоқнинг қамрови атиги 34 фоизни ташкил этади холос. Илғор АКТ инфратузилмаси — бу иқтисодий ўсиш ва интеллектуал дунёни яратиш учун кучли рағбатдир.
Мазкур йилда чиқарилган Huawei компаниясининг глобал тармоқ таъсири индексида кўрсатилишича, АКТ соҳасига киритиладиган инвестициянинг йигирма фоизга ўсиши ялпи ички маҳсулотни 1 фоизга, иш самардорлигини эса 20 фоизга оширади.
Реклама ҳуқуқи асосида
Изоҳ (0)