Юнонистонлик композитор ва дирижёр Янни Хрисомаллис 2019 йилнинг 17 февралида «Халқлар дўстлиги» саройида концерт беради, деб хабар беради «Turon 24».
Кўп миллатли оркестр бастакорнинг энг яхши асарларини ижро этади.
Янни Хрисомаллис турли мусиқий асбоблар ижросини бириктира олган истеъдодли мусиқачи сифатида эътироф этилади. 1993 йилда Хрисомаллис йилнинг энг яхши инструментал таркиби учун «Гремми» мукофотига сазовор бўлган. Мусиқий жамоада Самвел Ервинян, Армен Мовсесян ва Саяка Кацукилар скрипка, Педро Эустаче дамли чолғулар, Виктор Эспинола арфа мусиқий асбоблари билан ижод қилади.
Янни Хрисомаллис турли услублардаги мусиқий альбомларни ишлаган. Яннининг энг машҳур асарлари орасида «Blade Runner» фильмига ишлаган мусиқаси эътироф этилади. Мусиқий асар Вангелис (Эвангелос Одиссеас Папатанасиу) билан биргаликда яратилган.
Янни Хрисомаллиснинг Ўзбекистонга ижодий сафари 13 октябрга белгиланган эди. Бироқ Яннининг саломатлигидаги айрим муаммолари туфайли шу кунга белгиланган концерт дастури кечиктирилган эди.
Изоҳ (0)