Жорий йилнинг январь сентябрда Ўзбекистон ЯИM ҳажми жорий нархларда 244,3 трлн сўмни ташкил этди ва ўтган йилнинг мос даври билан таққослаганда 5,2 фоизга ўсди. ЯИM дефлятори индекси 2017 йилнинг январь — сентябридаги нархларга нисбатан 131,6 фоизни ташкил этди. Бу ҳақда Давлат статистика қўмитаси хабар қилди, деб ёзади «Газета.uz».
Аҳоли жон бошига ҳисобланган ЯИM 7,433 млн сўмни ташкил этди ва бу кўрсаткич ўтган йилнинг мос даврига нисбатан 3,5 фоизга юқоридир.
Иқтисодий ўсиш суръати иқтисодиётнинг асосий тармоқларида кузатилган ижобий динамика билан боғлиқдир, дейилади хабарда.
Иқтисодиётнинг барча тармоқларида яратилган ялпи қўшилган қиймат ҳажми ЯИM умумий ҳажмининг 86,3 фоизини ташкил этди ва 5,3 фоизга ўсди (ЯИM мутлақ ўсишига таъсири 4,6 фоиз пунктни ташкил этди). Маҳсулотларга соф солиқларнинг ЯИM таркибидаги улуши 13,7 фоизни ташкил этди ва 4,5 фоиз даражасида ўсиш қайд этилди (ЯИM мутлақ ўсишига таъсири 0,6 ф.п.).
Изоҳ (0)