Бугун,

  • USD 11014.01
  • RUB 191.8
  • EUR 10674.78

Кеча, 23 октябрь куни Ўзбекистон камондан отиш федерацияси раиси Отабек Имомов ҳамкорлик Туркияда мамлакат Миллий олимпия қўмитаси президенти, Халқаро камондан отиш федерацияси раҳбари Уғур Эрденер билан учрашди, деб хабар беради МОҚ матбуот хизмати.

Фото: МОҚ матбуот хизмати

Фото: МОҚ матбуот хизмати

Учрашув чоғида томонлар бир қатор муҳим масалалар бўйича келишувга эришди. Унга кўра, туркиялик мураббийлар Ўзбекистонга ташриф буюриб, спортчиларимиз учун машғулотлар, маҳорат сабоқлари ташкил этади. Шунингдек, селексия масаласида ҳам мураббийларимизга яқиндан ёрдам беради. Ундан ташқари, Ўзбекистон терма жамоаси аъзолари Туркияда ўқув-машғулот йиғинларини ўтказади. Муҳим мусобақаларга айнан туркиялик спортчилар билан бирга тайёргарлик кўришади.

Эслатиб ўтамиз, август ойида Миллий олимпия қўмитаси президенти Умид Аҳмаджонов Туркияга сафари давомида Бутунжаҳон этноспорт конфедерацияси раҳбари, Камончилар фонди васийлик кенгаши раиси, Туркия ёшлар фонди Олий маслаҳат кенгаши аъзоси Нажмиддин Билол Эрдўғон билан учрашув ўтказган ва ҳамкорликни кучайтириш, алоқаларни янада мустаҳкамлаш, камондан ўқ отиш спорт турига оид бир қатор масалаларни муҳокама қилганди.

Изоҳ
Асосий янгиликлар