«Том ва Жерри» мотивлари асосида тўлиқ метражли фильм суратга олинади

Режиссёр Тим Стори оммабоп «Том ва Жерри» мультсериали мотивлари асосида тўлиқ метражли фильмни суратга олиш бўйича Warner Bros киностудияси билан музокаралар олиб бормоқда. Бу ҳақда «Корреспондент.net» хабар берди.

Таъкидланишича, айни пайтда ҳамкорлик шартлари муҳокама қилинмоқда, бироқ лойиҳа ҳақида бошқа ҳеч нарса маълум эмас.

Мушук ва сичқон ҳақидаги «Том ва Жерри» мультсериали аниматорлар Уиллям Ханн ва Жозеф Барбера томонидан 1940 йилда чиқарила бошланган. Сериал еттита «Оскар»ни қўлга киритган, 1993 йилда тўлиқ метражли «Том ва Жерри» картинаси ҳам тақдим этилган.