Буэнос-Айресда ўсмирлар ўртасидаги III ёзги ўсмирлар Олимпия ўйинларининг навбатдаги кунида оғир атлетикачи Муҳаммадқодир Тоштемиров кумуш медални қўлга киритди.
Муҳаммадқодир -77 кг вазн тоифасида баҳсларга киришиб, даст кўтаришда 140 кг, силтаб кўтаришд 168 кг тошни ўзига бўйсундириб, жами 308 кг натижа қайд этди. Мазкур йўналишда олтин ва бронза медаллари Арманистон ва Миср спортчиларига насиб қилди. Шу тариқа, айни дамда Ўзбекистон ҳисобида медаллар сони 3 тани ташкил қилмоқда. Шулардан 2 таси кумуш ва 1 таси эса бронза медалларидир.
Жамоавий микст баҳсларида Ўзбекистон ҳисобида 2 та медаль мавжуд. Шундан 1 таси олтин, 1 таси эса бронза. Таъкидлаш жоиз, мазкур натижалар медаль жамғариш бўйича рейтингда Ўзбекистон учун ёзилмайди.
Изоҳ (0)