Буюк Британиялик кекса аёл Гленис Куп турмуш ўртоғининг вафотидан кейин танасига 16 та татуировка чиздирди. Турмуш ўртоғи ҳаёт бўлган вақтда аёлга бу ишни қилишга қўймаган, бироқ эрининг вафотидан кейин ёлғиз қолган аёл танасининг катта қисмини татуировка билан қоплаган. Бу ҳақда «Корреспондент.net» хабар берди.
Гленис Куп биринчи татуировкаларни 1960 йилларда чиздирган. Бироқ улар турмуш ўртоғига ёқмагач, аёл уларни ўчириб ташлаган.
Эрининг вафотидан сўнг аёл эски одатига яна мурожаат қилди. Энди татуировкалар унинг елкаси, кўкраги ва қўлларини қоплаган.
Аёлнинг таъкидлашича, у татуировка чизидириш орқали қайғуни енгади. Тасвирлардан бири вафот этган эрининг исми ёзилган юрак кўринишида туширилган. Аёл эри билан 54 йил бирга яшаган.
Гленис ўз нафақасидан татуировка учун маълум суммани ажратади. У ўз машғулоти учун тахминан икки минг фунт стерлинг сарфлашга улгурган.
Изоҳ (0)