Windows 10 фойдаланувчиларнинг файлларини ўчириб юбора бошлади

Windows операцион тизими янгиланиш чоғида компьютерлардан файлларни ўчириб юбора бошлади, деб ёзади «РИА Новости».

Таъкидланишича, файллар Windows 10 гача янгиланиш жараёнида «Менинг ҳужжатларим» пaпкасидан ғойиб бўлмоқда. Техник кўмак марказига мурожаат қилган фойдаланувчилар қайд этишича, улар аввалги версияга қайтиш орқали файлларни жойига қайтара олмаган.

MSPoweruser портали маълумотларига кўра, муаммо OneDrive клиентининг маълумотлардан автоматик тарзда нусха олувчи янги функцияларидан бири билан боғлиқ бўлиши мумкин.

Баъзи фойдаланувчилар эса изоҳларда ўчирилган файлларни тизим дискида жойлашган windows.old пaпкасини очиш орқали тиклашга уриниб кўришни маслаҳат берди.