Windows operatsion tizimi yangilanish chog‘ida kompyuterlardan fayllarni o‘chirib yubora boshladi, deb yozadi “RIA Novosti”.
Ta’kidlanishicha, fayllar Windows 10 gacha yangilanish jarayonida “Mening hujjatlarim” papkasidan g‘oyib bo‘lmoqda. Texnik ko‘mak markaziga murojaat qilgan foydalanuvchilar qayd etishicha, ular avvalgi versiyaga qaytish orqali fayllarni joyiga qaytara olmagan.
MSPoweruser portali ma’lumotlariga ko‘ra, muammo OneDrive kliyentining ma’lumotlardan avtomatik tarzda nusxa oluvchi yangi funksiyalaridan biri bilan bog‘liq bo‘lishi mumkin.
Ba’zi foydalanuvchilar esa izohlarda o‘chirilgan fayllarni tizim diskida joylashgan windows.old papkasini ochish orqali tiklashga urinib ko‘rishni maslahat berdi.
Izoh (0)