Андижон вилояти ҳокими Шуҳратбек Абдураҳмонов бошчилигидаги Ўзбекистон делегацияси Россиянинг Ставрополь ўлкасига етиб келди, деб хабар беради «Podrobno.uz».
Ўлка раҳбари Владимир Владимиров Ўзбекистон вакиллари билан учрашув чоғида Ставрополнинг Ўзбекистон билан ҳамкорлиги ривожланиб бораётгани, жумладан, Ўзбекистон инвестицияари ўлканинг санатория-курорт корпусига тўғри келишини айтди. Хусусан, шу йил Кисловодскдаги «Ўзбекистон» санаториясида янги балнеологик корпус иш бошлади.
Владимир Владимиров ҳамкорликни янада ривожлантириш учун истиқболли йўналишларни айтиб ўтди. Улар орасида қишлоқ хўжалиги, озиқ-овқат ва қайта ишлаш саноати, туризм соҳаларидаги лойиҳалар бор.
Шуҳратбек Абдураҳмонов Андижон вилояти Ставрополнинг иссиқхоналар соҳасидаги тажрибасидан фойдаланишдан, шунингдек, иккала ҳудуд ўртасидаги савдо ҳамкорлигини кенгайтиришдан манфаатдор эканлигини таъкидлади.
Изоҳ (0)