Ўзбекистоннинг БМТдаги доимий вакили Майкл Мёллерга ишонч ёрлиғини топширди

Ўзбекистоннинг БМТдаги ва Женевадаги бошқа халқаро ташкилотлардаги доимий вакили Улуғбек Лапасов БМТнинг Швейцариядаги бўлими бош директори Майкл Мёллерга ишонч ёрлиғини топширди, деб ёзади «Podrobno.uz».

Маросим чоғида Ўзбекистоннинг БМТ билан алоқаларининг ҳозирги ҳолати ва истиқболлари ҳақида фикр алмашилди.

БМТ вакили республикада амалга оширилаётган миллий иқтисодиётни янада ривожлантириш ва аҳоли фаровонлигини яхшилашга, шунингдек, Ўзбекистоннинг БМТ тузилмалари ва халқаро ташкилотлар билан алоқаларини кучайтиришга қаратилган ислоҳотларни маъқуллади.