Жорий йилнинг ўтган даврида Андижон вилояти ички ишлар бошқармасига фуқаролардан жами 24 минг 59 та мурожаатлар келиб тушган бўлиб, ушбу мурожаатларнинг барчаси масъул ходимлар томонидан атрофлича ўрганилиб, улардан 7 минг 627 таси қаноатлантирилган, 1 минг 743 та мурожаатлар бўйича муаллифларга тегишли тартибда тушунтириш берилган бўлса, 870 та мурожаатлар ҳозирда қўшимча ўрганилмоқда, дея хабар беради вилоят ИИБ матбуот хизмати.
«Ҳозирги кунда сайёр қабуллар одамларнинг дардини эшитиш, уларни қийнаётган муаммоларни, жойлардаги камчиликларни аниқлаш ва жойида ҳал этишда муҳим омилга айланди.
Жорий йилнинг 8 ойи давомида вилоят ИИБ масъул раҳбар ходимларининг шахсий ҳамда сайёр қабулларида умумий 3 минг 34 нафар жисмоний ва юридик шахслар қабул қилинган», — дейилади хабарда.
Шунингдек, Андижон вилоят ИИБ бошлиғининг Пахтаобод, Қўрғонтепа, Бўз, Улуғнор ҳамда Балиқчи туманларида сайёр қабуллари ўтказилиб, унда 334 та мурожаат тингланиб, мурожаатларнинг барчасига ижобий ечим топилди.
Изоҳ (0)