Joriy yilning o‘tgan davrida Andijon viloyati ichki ishlar boshqarmasiga fuqarolardan jami 24 ming 59 ta murojaatlar kelib tushgan bo‘lib, ushbu murojaatlarning barchasi mas’ul xodimlar tomonidan atroflicha o‘rganilib, ulardan 7 ming 627 tasi qanoatlantirilgan, 1 ming 743 ta murojaatlar bo‘yicha mualliflarga tegishli tartibda tushuntirish berilgan bo‘lsa, 870 ta murojaatlar hozirda qo‘shimcha o‘rganilmoqda, deya xabar beradi viloyat IIB matbuot xizmati.
“Hozirgi kunda sayyor qabullar odamlarning dardini eshitish, ularni qiynayotgan muammolarni, joylardagi kamchiliklarni aniqlash va joyida hal etishda muhim omilga aylandi.
Joriy yilning 8 oyi davomida viloyat IIB mas’ul rahbar xodimlarining shaxsiy hamda sayyor qabullarida umumiy 3 ming 34 nafar jismoniy va yuridik shaxslar qabul qilingan”, — deyiladi xabarda.
Shuningdek, Andijon viloyat IIB boshlig‘ining Paxtaobod, Qo‘rg‘ontepa, Bo‘z, Ulug‘nor hamda Baliqchi tumanlarida sayyor qabullari o‘tkazilib, unda 334 ta murojaat tinglanib, murojaatlarning barchasiga ijobiy yechim topildi.
Izoh (0)