Онлайн-сервис сайёҳларга мамлакат бўйлаб саёҳатни ихчам режалаштириш ва тежамли ўтказишга ёрдам беради.
UzPass қандай хизматларни тақдим этади?
1. Ўзбекистоннинг исталган шаҳридан ўзига маъқул келган меҳмонхонани топиш. Иловада меҳмонхоналар ва улар ҳақидаги батафсил маълумотлар, суратлар ва нархлар тақдим этилган. Сайёҳ истаган меҳмонхона номерини онлайн брон қилиши мумкин.
2. Гид танлаш. Бизнинг сервисимиз томонидан тақдим этилган экскурсиячилар катта тажрибага эга бўлиб, Ўзбекистоннинг энг гўзал ва кўпчиликка номаълум бурчакларини яхши билишади. Улар билан ҳар қандай саёҳат ёқимли саргузаштга айланади.
3. Автохизматларга буюртма бериш. Саёҳат асосини ташкил қилувчи муҳим деталлардан бири бу ҳаракатланиш воситасидир. Ўзбекистон — катта масофаларни босиб ўтмай туриб, ўрганиш мумкин бўлмаган мамлакат. UzPass компанияси автомобиль ижараси, трансфер ва халқаро такси бўйича сифатли хизматларни тақдим этувчи энг яхши транспорт компанияларини саралаб олган.
4. Туристик пакет танлаш. Агар саёҳатингизни мамлакатнинг маълум бир ҳудудини ўрганиб ўтказмоқчи бўлсангиз, масалан, Ўзбекистоннинг этник томони билан танишмоқчи бўлсангиз, шунга мувофиқ турни танлашингиз мумкин. Ҳар бир туристик фирма сиз учун муайян мавзуий тур пакет бўйича хизматларини тақдим этади.
Юқоридаги хизматлар билан UzPass иловасида танишишингиз мумкин. Бу ҳали ҳаммаси эмас!
Саёҳат ҳамёнбоп бўлиши учун сервис UzbekistanPass электрон дисконт картасини қўлга киритишни таклиф этади, у билан сиз қуйидаги хизматларга 10 фоиздан 60 фоизгача чегирмаларга эга бўласиз:
- номер брон қилиш;
- трансфер, автомобиль ижараси ва халқаро такси;
- тур пакетлар;
- йирик савдо-кўнгилочар марказларида шопинг ва ҳунармандлар расталарида сувенирлар хариди;
- гидлар хизмати;
- бутун Ўзбекистон бўйлаб ресторан ва кафелар хизматларидан фойдаланиш.
Сайёҳ хавфли вазиятда қолса ёки шифохонагача етиб олишга имкони бўлмаса, у иловадаги SOS тугмасидан фойдаланиши мумкин (сайёҳ суғурталанган ё суғурталанмаган бўлишидан қатъий назар). SOS тугмаси зудлик билан фавқулодда вазиятлар хизматлари билан боғланиш ва ўз вақтида ёрдам олиш имконига эга бўлади.
Юқорида келтирилган барча туристик хизматлар учун Ўзбекистонда биринчи марта онлайн режимида ҳисоблашиш мумкин. Тўлов миллий валютада — Payme тизими орқали, хорижий валютада эса VISA халқаро тизими орқали амалга оширилади.
Илова шунингдек Ўзбекистон, унинг вилоятлари, шаҳарлари, миллий ошхонаси, диққатга сазовор жойлари ва бошқа кўплаб фойдали маълумотларни ўзида жамлаган.
UzPass мобил иловани бу ердан юклаб олинг.
Реклама ҳуқуқи асосида
Изоҳ (0)