Адлия вазирлиги ҳузуридаги Давлат хизматлари агентлиги томонидан Тошкент вилояти Қуйи Чирчиқ туман Давлат хизматлари маркази филиали жорий йилнинг 8 сентябрь куни туман марказидан олис бўлган «Кушек» МФЙ ҳудудида ташкил қилинди. Бу ҳақда Давлат хизматлари агентлиги матбуот хизмати «Дарё»га хабар бермоқда.
«Кушек» маҳалласи туман маркази Дўстобод шаҳарчасидан 50 километр узоқликда жойлашган бўлиб, олис ҳудудда жойлашган 11 та МФЙ, 31 мингдан ортиқ аҳолига тезкор ва шаффоф давлат хизматларини кўрсатишга хизмат қилади.
Маълумот тариқасида, филиал ташкил қилган куннинг ўзидаёқ юридик ва жисмоний шаҳсларга 16 та давлат хизматлари кўрсатилган.
Шу билан бирга, Хоразм вилояти Хазорасп тумани марказидан 180 километр олис бўлган Тупроққалъа масканида, Бухоро вилояти Ромитан тумани Гугуртли аҳоли пунктида, Ангрен шаҳар ДХМ филиали марказдан олис бўлган «Красногорск» (Қизил тоғ) ҳудудида, Самарқанд вилояти Нуробод тумани Давлат хизматлари марказидан 130 километр узоқликдаги «Сахоба» қишлоғида марказ филиаллари ташкил этилган.
Изоҳ (0)