Тошкент шаҳар ҳокими вазифасини бажарувчи Жаҳонгир Ортиқхўжаев бошчилигидаги делегация расмий ташриф билан Германияда бўлиб турибди.
Тошкент шаҳар ҳокимлиги ахборот хизматининг хабар беришича, бугунги тадбирлар дастурида Тошкент шаҳар ҳокимининг Берлин шаҳридаги ер ости метрополитени ва унга туташ ҳудудларнинг бўш жойларидан фойдаланиш имкониятлари билан танишиши ҳамда Берлин шаҳри ҳокими (бургомистри) М.Мюллер жаноблари билан учрашувлари ўрин олган.
Куннинг иккинчи ярмида Жаҳонгир Ортиқхўжаев «Берлиннинг олтин китоби»га ўз фикр-мулоҳазаларини ёзиб қолдириши, шунингдек, Берлин шаҳри ички ишлар ва спорт сенатори билан учрашуви, Кройцберг туманидаги спорт ва фитнес маркази фаолияти билан танишиши кўзда тутилган.
Делегация аъзолари кун якунида Ўзбекистон Республикаси Мустақиллик кунининг 27 йиллиги ҳамда Тошкент ва Берлин ўртасида дўстона алоқаларнинг 25 йиллиги муносабати билан ташкил этиладиган тантанали маросимда иштирок этади.
Изоҳ (0)