Сербиялик теннисчи Новак Жокович «Улкан тож» сериясига кирувчи АҚШ очиқ чемпионати – US Open—2018 ғолибига айланди.
Новак финалда аргентиналик Хуан Мартин дел Потрога қарши кортга чиқиб, 3 соат 15 дақиқа давом этган баҳсни 6:3, 7:6 (7:4), 6:3 ҳисобида ўз фойдасига ҳал этди. Бу ғалаба орқали Новка Жокович «Улкан тож» туркумидаги мусобақаларнинг 14 бора ғолиби сифатида тарихдан ўрин олди.
Шунингдек, мазкур муваффақият унинг АҚШ очиқ чемпионатидаги 3-ғалабасидир.
Маълумот учун, мусобақанинг мукофот жамғармаси 53 млн долларни ташкил қилган. Соврин қиймати 2013 йилдагисига нисбатан 57 фоизга кўтарилган. Жоковичга мазкур чемпионлик учун 3,8 млн долларга эга бўлди.
Изоҳ (0)