АҚШнинг Чикаго шаҳрида эркаклар ўртасида теннис бўйича мукофот жамғармаси 150 минг доллар бўлган «Челленжер» мусобақаси якунига етди.
Аввалроқ мазкур мусобақада иштирок этаётган ўзбекистонлик Денис Истомин ярим финал доирасида ақшлик Бьорн Франтенжелога қарши кортга чиқиб, 6:1 ҳамда 6:2 ҳисобида ғалаба қозонган ҳолда финал йўлланмасига эга чиққани ҳақида хабар берилганди.
Яқиндагина Осиё ўйинлари—2018 олтин медали соҳиби бўлган Денис финал баҳсида Реили Oпелкага қарши кортга чиқди. Истомин 2 сетда — 6:4, 6:2 ҳисобида ғалабага эришди ва мусобақа ғолибига айланди.
Изоҳ (0)