2018 йил 30 август куни соат тахминан 09:30 атрофида ўз хизмат вазифасини бажариб турган Самарқанд вилояти ИИБ ЙҲХБ ходимлари, Самарқанд—Каттақўрғон автомобиль йўлининг 5 км.да ҳаракатланиб келаётган «ЗИЛ-130» русумли автомашинани юкхонасинини текшириш мақсадида тўхтатишган. Текширув жараёнида автомашинани бошқариб келган ҳайдовчи Р.С.нинг вақтинчалик ҳайдовчилик гувоҳномаси муддати ўтганлиги, у «йўл ҳаракати қоидалари»нинг 7-банди талабларига риоя этмасдан МЖТКнинг 135-моддаси 2-қисмида назарда тутилган ҳуқуқуқбузарлик содир этганлиги аниқлаб, бу ҳақда маъмурий баённома расмийлаштирилган ва автомашина жарима майдончасига жойлаштиришган.
«Дарё» мухбири Фарҳод Норбўтаевнинг хабар беришича, Ички ишлар органи ходими олдига Х.Н исмли шахс келиб, жарима майдончасига қўйилган автомашина юкхонасида бўлган «беда» озуқа маҳсулоти эгаси эканлигини билдириб, «ЗИЛ-130» русумли автомашинани жарима майдончасидан чиқариб юборишлик учун 100 минг сўм беришини айтган.
ИИБ ўз хавфсизлиги бўлими ходимлари томонидан ўтказилган тезкор тадбир жараёнида фуқаро Х.Н. «ЗИЛ-130» русумли автомашинани жарима майдончасидан чиқариб юборишлик учун Йўл патруль хизмати ходимига 100 минг сўмни пора тариқасида берган вақти ашёвий далиллар билан қўлга олинган.
Мазкур ҳолат юзасидан Пастдарғом туман прокуратураси томонидан Х.Н.га нисбатан Ўзбекистон Республикаси Жиноят Кодексининг 211-моддаси 1-қисми билан жиноий иш қўзғатилиб, дастлабки тергов ҳаракатлари олиб борилмоқда.
Изоҳ (0)