Урганч давлат университети қошида «Қатағон қурбонлари хотираси» музейи очилди. Бу ҳақда ЎзА хабар бермоқда.
Музей фонди профессор-ўқитувчилар, ёш олим ва талабалар ҳамда кенг жамоатчиликнинг фаол иштирокида архив ҳужжатлари, Ўзбекистон Марказий давлат архиви, Ичан-қалъа музей фонди материаллари билан бойитилган.
Музейдан 1937 йили депортацияда Хоразм вилоятига кўчириб келтирилган корейс диаспораси вакиллари билан ҳамкорликда йиғилган материаллар ҳам ўрин олган.
Бу ерда қатағон қилинган ўзбекистонликларнинг тарихини тадқиқ қилиш мақсадида илмий тадқиқот ишлари, талабаларнинг битирув малакавий ишлари, магистрлик диссертацияларини олиб бориш йўлга қўйилади.
Олий ва ўрта махсус таълим вазирлиги Ўзбекистондаги бошқа олий таълим муассасаларида ҳам шундай музейларни ташкил этиш бўйича иш олиб бормоқда.
Изоҳ (0)