Ўзбекистондаги олий ҳарбий таълим муассасалари курсантлари 1 сентябрь куни тантанали равишда ҳарбий қасамёдни қабул қилди. Бу ҳақда Мудофаа вазирлиги матбуот хизмати «Дарё»га маълум қилди.
Қуролли Кучлар академиясида бўлиб ўтган тантанада академиянинг умумқўшин факультети, Муҳаммад ал-Хоразмий номидаги Тошкент ахборот технологиялари университети махсус факультети, Тошкент тиббиёт академияси ҳузуридаги ҳарбий-тиббиёт факультетига жорий йилда ўқишга кирган курсантлар ҳарбий қасамёд қабул қилишди.
Тантанали тадбирда Мудофаа вазирлиги раҳбарияти, Мудофаа вазирлиги ҳузуридаги Жамоатчилик кенгаши аъзолари, давлат ва жамоат ташкилотлари вакиллари ҳамда курсантларнинг ота-оналари иштирок этди.
Шунингдек, Чирчиқ олий танк қўмондонлик-муҳандислик билим юртида ҳамда Жиззах шаҳридаги Шароф Рашидов майдонида Олий ҳарбий авиация билим юрти курсантлари ҳам ана шундай ҳаяжонли маросимда иштирок этишди.
Изоҳ (0)