20—24 август кунлари Чўлпон ота шаҳрида (Қирғизистон) Шанхай ҳамкорлик ташкилоти аъзо давлатлари Миллий координаторлари кенгашининг навбатдаги йиғилиши бўлиб ўтди. Бу ҳақда Ўзбекистон Республикаси Ташқи ишлар вазирлигининг матбуот хизмати хабар бермоқда.
Ҳиндистон, Покистон, Қирғизистон, Қозоғистон, Россия, Тожикистон, Хитой ва Ўзбекистон вакиллари 2018 йил 10 июнь куни ШҲТ Саммити доирасида ШҲТга аъзо давлатлар раҳбарлари томонидан илгари сурилган ташаббусларни амалга ошириш истиқболларини муҳокама қилди.
ШҲТ МКК йиғилишида ШҲТ аъзо давлатлари Ҳукумат раҳбарлари (бош вазирлар) кенгаши йиғилишини ўтказишга тайёргарлик кўриш ҳамда ташкилот жорий кун тартибининг бошқа масалалари ҳам кўриб чиқилди.
Изоҳ (0)